TVB全新青春校园剧

《青春本我》今晚上线

星梦嘅一班仔仔囡囡

将全员变身“学生哥”

唱响致青春嘅活力旋律

近年嚟TVB比较专注于

打造各种医疗、刑侦、

商战、家庭类电视剧

好似《青春本我》噉

针对年轻一代尤其初、高中阶段嘅

校园剧就比较少

中学应该係每个人

最热血、最有冲劲嘅时期

对未知嘅一切

充满期待、亦充满怀疑惑

呢部电视剧会通过

引导中学生面对问题、勇敢承担

激励大家enjoy青春、

享受美好嘅岁月

其实都几有积极向上嘅意义

上一部令大家印象深刻嘅校园剧

大概就係十年前

由陈豪、杨茜尧（杨怡）、

钟嘉欣、吴卓羲主演嘅

《点解阿sir系阿sir》了

教书阿sir变身警察阿sir后

潜入学校做卧底、扮教书阿sir

兜兜转转几重身份

中间穿插住校园青春、刑侦探案

精彩程度令佢成为口碑好剧

时隔十年

同样係讲校园青春嘅电视剧

如果要摞嚟比较嘅话

演员阵容同《阿sir》比就差一截了

但胜在啲仔仔囡囡够“嫩口”

呢部电视剧仲有

汤盈盈&钱嘉乐夫妇

首次以“真·夫妻档”出演“夫妻”

令《青春》又多咗个值得期待嘅地方

最近有份参演《青春本我》嘅

JW王灏儿

就梦幻“联动”咗一次《阿sir》

入面嘅“阿sir”陈豪啦

前段时间因为要喺《青春》入面

演校园心理辅导老师

JW就去到学校取景

拍拍下仲“想当年”

回忆起自己读书嗰阵嘅事

拍到一幕要自己冲咖啡嘅场景时

佢讲起自己朋友饮到“陈豪咖啡”

表示超级羡慕

趁机隔空表白mo哥：

“我都好中意陈豪！”

“青春”miss“示爱”“阿sir”嘅阿sir

唔知阿sir陈豪听到

会有咩反应呢？

喺圈入面

陈豪係出咗名“绝种好男人”

锡老婆锡到出晒面

早前喺台庆盛典上玩游戏，

被问关于女星嘅问题

佢只答得出“陈茵微”三个字

至于其他女仔了哦

陈豪依依哦哦一阵最后只答出

“我真係唔知啊！”几个字

结婚多年零绯闻，敬业之余仲好顾家

除咗工作需要绝对“女人勿近”

年头同宣萱拍《陀枪师姐》嘅时候

最激烈嘅镜头就係“求婚”嘅时候

揽咗一下咁大把

佢哋都有讲话係

鉴于疫情要保持“安全距离”

会尽量减少“亲热戏”嘅分量

讲到尾，

就真係“为咗佢嘅家庭着想”嘅

最近阿mo搭谭凯琪

拍《四十二章经》

喺拍“结婚相”镜头时

陈豪都表现出十足嘅绅士

阿mo嘅专情爱家

令搭档女艺人对佢都赞不绝口

同时亦羡慕陈茵微

私有化咗咁好嘅笋盘

照咁睇，陈豪就算听到JW“示爱”

应该都係回答嗰句“我真係唔知！”

大家想八卦都冇乜素材噶啦

不如一起关注今晚上线嘅《青春本我》

重拾记忆中最热血嘅时光啦